"Мен әлемге керекпін! маған отбасы керек!" тренинг

Ата - аналармен психологиялық денсаулықты нығайту айлығы мен нашақорлықтың алдын алу айлығы барысында ата - аналармен тренинг жүргізілді. 
Мақсаты: 
 Бала тәрбиесіндегі ата - ананың алатын орнының ерекше екендігін түсіндіру;
 Отбасы мүшелінің арасындағы бауырмалдық, қайырымдылық, достық қарым - қатынасты қалыптастыру.
Ата - аналармен "Бала мүсіні" жаттығуы мен "Өмір дөңгелегі" жаттығуы жүргізілді.
"Бала мүсіні" жаттығуы барысында ата - аналарға  әрқашан балаларыңызды құшағына алыңыздар, қыздарыңызбен сырласыңыздар балалардың жақсы тәрбие алуы сіздер мен біздердің қолымызда деген кеңестер берілді. 
"Өмір дөңгелегі" жаттығуының мақсаты ата - анамен бала қарым -қатынасын нығайту, дұрыс тәрбие жолын көрсету керек екендігі айтылды.








Ата-аналар есіне сақтау үшін: «Балалар өмір сүруді өмірден үйретеді»
Егер:

• Баланы үнемі сынай берсе, ол жек көруді үйренеді;
• Баланы мұқата берсе, ол тұйық болуды үйренеді;
• Баланы мақтаса ол игілікті болып үйренеді;
• Баланы қолдаса, ол өзін бағалауды үйренеді;
• Баланы жазғыра берсе, ол кінәлі болып өмір сүруге үйренеді;
• Бала шыдамдылықта өссе, басқаларды түсінуге тырысып үйренеді;
• Бала адалдықта өссе, әділетті болуға үйренеді;
• Бала қастастықта өссе, басқыншыл болып үйренеді;
• Бала түсіністік пен жылы шырай ахуалда өссе, ол осы өмірде махаббатты табуға үйренеді.