«Қыздар сұлу көрінер қылығымен» тақырыбында қыздармен өткізілген іс-шара

Мерзімі: 26 қараша 2018 жыл
Қатысқандар: 8-11 сынып қыздары, ДТЖО Тайбекова Э.Б., медбике Салимбаева Ж.,әлеуметтік педагог А.Есалиева, мектеп психологтары А.Назаркулова, Ж.Кикбаева, «Сымбат»қыздар клубының жетекшісі М.Сатыбалды.
Мақсаты: қыз балаларды әдептілікке, инабатылыққа, сыпайылыққа үйрету , ар тазалығын жоғары ұстайтын қылықты қыз тәрбиелеу.
Өткізу түрі: «Кеш қалмаңыз» бағдарламасының желісімен пікірлесу, ой бөлісу кеші.
Барысы: Қыздармен әңгімелесе отырып, ар - намысын, пәктігін, сұлулығын жоғары қоя біліп, жұрт алдында абыройлы болу, салауатты өмір салтын сақтауға кеңестер берілді, зиянды әрекеттерге еліктеудің, қызығудың өмірлеріне қауіп тудыратыны ескертілді. Есірткі, ішімдік және темекінің ағзаға тигізер әсері, келешек өмірлеріне оның зардаптары, адам ағзасына теріс әсері туралы түсіндірілді.Сонымен қатар қыздар тарапынан түрлі сұрақтар қойылып оған байланысты тиімді жауаптар алынды. Әр түрлі жағдаяттарды талқылау арқылы қыз баланың тәрбиесі туралы иманды және инабатты қылықтарды бойына сіңіру жайында да айтылып өтті. Қыздарға «Отбасындағы қыз тәрбиесі» атты бейнеролик көрсетіліп, бірнеше ситуациялық сұрақтар қойылды. 8 сынып қыздары Мұқан Н, Тоқтарбай Аружан, Ринатқызы Кәусар, Амантай А, Бақыт Айым, Наурызбай Ж, 9-10 сынып қыздары Серік Аружан, Кадіржан Әсел, 11 сыныптан Айнақұл Жадра, Арайлым белсенділік танытып, өз ойларын ортаға салып отырды.
Ұсыныс: 1. Қыздардың жеке бас гигиенасы, қыз бойындағы нәзіктік жайында, қыз болашақ ана, ол өзін таза ұстауға, сыпайылық туралы 8-11 қыздарымен тоқсанына бір рет жиналыстар өткізу.
2. 8-11 қыздармен мектеп медбикесі, «Жастар» денсаулығы орталығының мамандары, мектеп әкімшілігімен үнемі әңгімелер, жеке кеңестер жүргізілу қажет.
3. 8-11 сынып қыздары мектеп психологтары, сынып жетекшілерімен тығыз қарым – қатынаста болуы қажет.
4. 8-11сыныптың қыздары жеке бас гигиенасын сақтап, өздерін жат қылықтардан аулақ ұстап, мектептің ішкі ережесіне бағынып, сақтауы қажет.
[center]