Бейбіт елдің бақытты балалары

1 мамыр — Қазақстан халқының бірлігі күні мерекесіне орай «Бейбіт елдің бақытты балалары» атты концерттік бағдарлама ұйымдастырылды.

Іс-шараның басты мақсаты — жас ұрпақтың бойына достық, татулық және бірлік құндылықтарын сіңіру. Концерт барысында оқушылар түрлі ұлттардың әндері мен билерін орындап, көрермендерге көтеріңкі көңіл күй сыйлады. Әрбір өнер көрсетілімінде Қазақстанда өмір сүріп жатқан халықтардың мәдениеті мен дәстүрлері кеңінен насихатталды.

Мерекелік кеште балалардың өнері көрермендер тарапынан ерекше ықыласпен қабылданып, бірлік пен ынтымақтың жарқын көрінісіне айналды.