«Отбасының адам өміріндегі маңыздылығы» тақырыбында сынып сағаттары

Мектепте оқушылардың рухани-адамгершілік құндылықтарын қалыптастыру және отбасына деген құрмет сезімін арттыру мақсатында «Отбасының адам өміріндегі маңыздылығы» тақырыбында сынып сағаттары ұйымдастырылды.
Іс-шара барысында оқушыларға отбасының әрбір адам үшін маңызы, ата-ана мен бала арасындағы сыйластық, үлкенге құрмет, кішіге ізет сияқты ұлттық дәстүрлер кеңінен түсіндірілді. Оқушылар отбасы мүшелерінің өзара қарым-қатынасы, бір-біріне қолдау көрсетуі, ынтымақтастығы туралы ой бөлісіп, мысалдар келтірді.Өткізілген іс-шара оқушылардың бойында отбасылық құндылықтарға деген қызығушылығын арттырып, отбасына деген сүйіспеншілігін, жауапкершілік сезімін нығайтуға ықпал етті.